神州行

放咗幾日假，回鄉探親。

真係好耐無見外公外婆，

佢哋都八十有一啦，

外婆仍然身壯力健，

外公雖然行動不便，但身體健康。

幾日的假期，雖然不是遊山玩水，

但是，身心可以得到真正的休息！

忘憂 --- 好能代表我的情感！

原來

原來，在商業社會，人是要奸！

原來，在商業社會，人是要詐！

原來，在商業社會，人是要偽！

原來，在商業社會，人不可善！

原來，人不為己，天誅地滅！是對的！

難道，我必須變成這樣的人嗎？

棄我去者，昨日之日不可留；

亂我心者，今日之日多煩憂！

頭痛

今朝一起身，個頭痛到爆炸，又暈暈地，

所以，決定休息一日，請病假！

屋企人返晒工，得自己一個人，

所以，繼續訓！

就係咁，訓到成點先起身！勁！

落樓去睇醫生，點知撞正休診時段，

要三點之後先再開門！

無計，返歸！

係屋企百無聊賴，無嘢好做，又唔舒服，

所以，都係繼續訓！

訓到夠鐘，再落樓睇醫生！

醫生話我作感冒，兼且喉嚨發炎，

要飲多啲水，多休息，少食刺激食物！

朋友講得啱，

小病是福！

聚會

日期：十月廿四日

地點：上水大排檔

目的：同我補祝生日！YEAH!!

人物：慈、芷、CATHY、多、P WONG + 佢個朋友仔、賴子、小P、李粒米、胡小姐

今次又係我哋既搵食專家 --- P WONG介紹，

我哋一貫既作風，

咩都唔理，狂叫嘢食！

話說我哋嗌咗個美國炸蠔，

碟蠔有啲成隻手咁大，

李粒米即時表演佢既絕技 --- 一口一隻巨蠔！

有片為證！但基於私隱問題，唔方便擺上網！

要睇既，問CATHY啦！

而佢表演所得既酬勞就是餐飯免費！抵！

今次慶祝，真係勁攪嘢！

首先，

多謝大家既禮物，全部都係我好鍾意既阿JACK！YEAH!!

仲有，芷芷送既香水！味道唔錯！GOOD!!

另外，多謝MS CHAN CHAN張生日卡，張卡好靚，BUT啲內容好攪笑！

生日當然唔少得點蠟燭許願啦！

今次唔用蛋榚，而係.................................用隻雞？

無錯，今次枝蠟燭係插係隻雞上面架！（相片後補！）

飯後甜品，去咗上水既Rainbow Dessert！

之後，同慈、小P、米搭44返歸！

係上水公路上.................................

賴子，我見到你架車呀！哈哈！

多謝！

今日，係我既大日子！

年年都會有好多朋友係我身邊，

全日不停地同我慶祝，同我講：「生日快樂！」

我以為，呢啲係必然會有既幸福同快樂！

但，原來幸福同快樂唔係必然的！

今年，第一次係新工作環境過的生日，

感覺好寂寞！

我的朋友們，

收到你哋既訊息、電話、電郵、留言，

全都令我好感動！

因為，

你們沒有忘記我！

因為，

身在他方的我，能收到你們的祝福，

溫暖同親切既感覺是更強烈！

真的，

多謝！

P.S. 今日都係我XANGA既大日子呀！

EAT PARTY @ 元朗錦上路 --- 泰越鍾情 旦王花餐廳

十月十七日

今次又係黃金介紹，一間好有泰國風情既餐廳，

唔係佢介紹，都唔知係元朗屋村內有咁好環境既餐廳。

今次除咗慈、多、賴子、黃金，

仲有好耐都無同我食飯既丘丘！GOOD！

原本今日好開心咁等收工，

諗住一放工就搭車返嘉智，同大家一齊搭車去元朗。

點知俾個小人線我，

攪到我係不明不日既情況下俾個老姐姐訓話咗三、四十分鐘，

個小人仲夠膽死自己走人不特止，仲要留張字條俾我，叫我做啲係個老姐姐叫佢做既嘢！

你估我傻架，幫你做埋，我仲駛收工既！

你條腸粉呀，

你星期一最好唔好問我啲嘢攪掂未，

如果唔係我實串爆你！

係你自己大大聲咁同人講話你會做，

點知夠鐘就自己走人，留個爛攤子俾我收捨！

我雖然敬老啫，

不過，對於你呢啲恃老賣老既人，

我睬你都傻！

反正你成日話自己咁多身家，

咁咪快啲退休，唔好阻著個地球轉啦！

以加聽到你把聲，

真係想兜巴聲你！